Jarduerak bertan behera

Otsailaren 22tik aurrera, ostirala, udalak kudeatzen dituen gizarte-etxe eta kiroldegietan mugagabeko greba deitu dutela langileek, Gasteizko Udalak hartutako hainbat erabakiren aurrean protesta gisa. 

Eta greba honek era zuzenean eragiten die Armentxok antolaturiko eskolaz kanpoko ekintzei.

Beraz, jakinarazi nahi dizuegu, Armentxok, era probisionalean, bertan behera uzten dituela Ariznabarra eta Beti Jai instalakuntzetan burutzen diren jarduerak, eta abisu berririk ez dagoen bitartean ez dira berrabiaraziko. Erabaki honek Saskibaloia, Pilota, Pala eta Eskaladako jarduerei eragingo die, grebak irauten duen bitartean.

Era berean, ia ziurra da udal kiroldegietan burutzen diren partiduak, asteburu honetan behintzat, bertan behera geldituko direla, grebaren ondorioz, eta gauza bera gertatzen da multiekintzako Topaketarekin.

Honez gain, astebururako elurteen abisua eta alerta emanda daudenez, partiduak dituzuenoi emailari adi egoteko eskatu nahi genizueke, oso posible delako jardunaldi osoa (ikastetxeetan burutzen diren partiduak barne) bertan behera gelditzea. Honi buruz ostiralean zehar emango dizuegu informazioa.

Barkatu sortu daitezkeen eragozpenengatik!