Euskal Wikipediaren edizio-maratoia Durangoko Azokan

Aurten Euskal Wikipediak 10 urte egingo ditu abenduaren 6an eta, urteurrena aitzakia hartuta, edizio-maratoia antolatu da, UEU,  Gerediaga Elkartea, Euskal Wikipedia eta IXA taldearen eskutik.

Maratoiari hasiera emateko Euskal Wikipediaren proiektua aurkezteko hitzaldia eta itzulpen automatikorako tresnari sarrera txiki bat egingo zaio.

Ekitaldiaren zati nagusia praktika izango da: edizio-maratoia. Egunean zehar, 10:30etik 19:30erar bitartean, Durangoko Azokaren aretoan bertan, partaideak Wikipedian zuzenean editatzen ikasiko du, saioan bitartean tutoreak laguntzeko izango baititu. Izan ere, norberaren ekarpena euskarazko wikipedian bere jakintza arloko artikulu eta edukiak sortu eta/edo eguneratzea da, modu gidatu batean:

• Wikipediako arduradunek zure jakintza alorreko artikuluen zerrenda atera dezakete, hutsuneak detektatzen laguntzeko.
  
• Aldi berean, bestelako hizkuntzetan dauden artikulu eta edukien berri ere eman dezakete.
  
• Amaitzeko, edukiak automatikoki itzuli eta Wikipediara igotzeko aukera ere emango digute.

Parte hartzeko interesa daukan edonori irekia da. Hori bai, norberak bere ordenagailu eramangarria ekarri beharko du.

Mezu honek jakinmina piztu badizu...
Euskal Wikipedia guztion artean hobetu behar dugula uste baduzu...
Ezagutza librea sustatu nahi baduzu...
Laguntzeko prest bazaude...

Jarri zaitez nirekin harremanetan eta hemendik aurrera eman beharreko pausuak argituko dizkizut!

Animatu zure ingurukoak ere!