Guraso agurgarriok:
Irrien Lagunak Klubaren helburu nagusia, Euskal
Herriko haurrei eta hauen hezkuntza prozesuan bidelagun diren norbanako eta
kolektibo guztientzat komunikazio proiektu sendo bat eratzea da, euskaratik eta
euskaraz. Horretarako elkartu ginen,
orain dela urte bete, BERRIA egunkaria, KATXIPORRETA pailazo taldea eta ELKAR
argitaletxea.
Haurrak
dira klubaren ardatza, baina gurasoak, hezitzaileak eta hezkuntza zein gizarte
eragileak ahaztu gabe, gure haurren hezkuntzaren ardura gizarte osoarena
delakoan baikaude.
Irrien Lagunak Klubak hasieratik izan du ikuspegi
hezitzailea, eta bere ardatza gure
haurren isla diren Pupu eta Lore dira. Horiek denon artean hezi nahi ditugu,
gure haurrei ere balore zehatz batzuk erakutsiz.
Baina zein baloretan hezi nahi ditugu gure
haurrak?
-
Euskaratik euskarara. Euskara da gure herriaren hizkuntza eta euskaraz mintzatuko gara.
-
Euskal Herria, Euskal Irria. Herri bat gara, euskararen herria, eta irri egin nahi
dugu.
-
Euskal Herria mila kolore. Euskal Herrian pentsaera eta molde ezberdinetako jendea
bizi gara.
-
Bizikidetza.
Bizikidetzaren oinarrizko baloreak sustatu nahi ditugu: berdintasuna,
errespetua, elkarrizketa, elkartasuna eta askatasuna.
-
Partaidetza. Haurren eta helduen arteko harremana sustatuko dugu.
-
Ekologia. Gure
haurren artean ekologiaren
baloreak era aktiboan sustatu nahi ditugu.
Gure pertsonaien bidez haurrei eta gizarteari
klubaren baloreak transmititzeko eta gure proiektuan partaidetza sustatzeko,
lehen urte honetan hainbat alorretan egin dugu bidea:
·
Webgunea. Haurra,
guraso, eskola eta klubaren arteko
eguneroko kontaktua bermatzen duena da. Doan da, eta izena ematean
haurra zuzenean klubeko kide bihurtzen da.
·
IRRIA aldizkaria. Aldizkaria, harpidetzaren bidez etxean jasotzeko aukera bultzatu nahi dugu, nahiz eta dendetan ere
eskuragarri egon. 45 euro ordaintzen da harpidetza, eta urtean 10 zenbaki
heltzen dira postontzira. Kioskoan baino %20 merkeagoa da honela. Harpidetza
kuotarekin, ordea, aldizkari bat baino askoz gehiago ordaintzen da: proiektu
hau guztia garatzeko oinarrietan laguntzen da. Harpidedunek, harpidedun
txartela jasotzen dute, eta horrek hainbat abantaila ematen ditu.
·
Zeraingo (Gipuzkoa) IRRIEN LAGUNAK ATERPETXEA. Astebukaeretan, familiei, gure pertsonaiekin egun
batzuk pasatzeko eta gure baloreetan oinarritutako jardueretan parte hartzeko
aukera ematen diegu. Astean zehar, berriz, ikastetxeei luzatzen diegun
eskaintzan, gelan landu dutena modu parte
hartzaile eta hezitzailean sakontzeko aukera ematen dugu.
·
Irrien Gunea. Irrien lagunak Klubaren Gunea da. Batean eta
bestean antolatzen diren festa erraldoi guztietara eramateko moduan gaude, eta
baita herrietako eta ikastetxeetako festetara ere; horretarako, puzgarri
pertsonalizatuak ditugu eta Txatxilipurdi Aisialdi elkartearekin egitarau
zehatza prestatu dugu.
·
Pertsonaien ikuskizunak. Klubeko pertsonaia bakoitzak haurrei bere mezua helarazteko eta
aisialdiko euskarazko eskaintza aberasteko, ikuskizun batzuk prestatu ditugu.
Katalogo batean bildu ditugu guztiak.
·
Irrien Lagunak Kultur Elkartea. Gure baloreekin bat egiten duten norbanako eta
elkarte guztiak biltzeko asmoz, Irrien
Lagunak Kultur Elkartea sortu dugu eta, honekin batera, Irrien Lagunen Elkartasun Taldea.
Dagoeneko 25 elkarte inguru biltzen ditu (Aspanovas, Euskal Gorrak, Gehitu, Ume
Alaiak…). Elkarte horiei guztiei, haurren heziketa prozesuan landu beharko
genituzkeen beste baloreei buruzko hausnarketa bultzatu ahal izateko laguntza
eskatuko diegu, gure baliabideak behar dituztenerako eskaintzeaz gain. Elkartasun Taldearen lehen hitzordua
otsailaren 5ean izan zen, “Gure Señeak” elkartearekin batera, Donostiako
Victoria Eugenia antzokian, gaixotasun larria eta arraroa duen lau urteko
Nahiaren alde antolatutako ikuskizunarekin.
GURE PROIEKTUAREN
LAGUNTZAILE IZAN NAHI BADUZU, BERRIZ…
EGIN ‘IRRIA’ ALDIZKARIAREN HARPIDEDUN ETA KLUBAREN MOTXILA JASOKO DUZU OPARI ZURE HAURRENTZAT!
(Ikastolako idazkaritzan guraso baten izen-abizena eta
kontaktuzko telefono eta emaila uztea besterik ez duzue)
